“Ekipet sportive 2022” bënë ndalesën e radhës në Fier, në kuadër të shpjegimit para kryetarëve të bashkive të qarkut si dhe trajnerëve e mësuesve, projektin që do të rikthejë sportin në shkollat e Shqipërisë.
Presidenti i Komitetit Olimpik Shqiptar, z. Fidel Ylli sqaroi në detaje çdo hap të projektit si dhe kërkoi mbështetje nga pushteti lokal që në fund kjo nismë e KOKSH dhe e qeverisë shqiptare të japë frutet e saj.
Kryetari i bashkisë Fier, z. Armando Subashi pranoi se e kishte menduar ndryshe projektin, ndërsa deklaroi se institucioni i tij do të japë mbështjetje në çdo drejtim.
Në takim diskutuan edhe kryetarja e bashkisë Patos, znj. Rajmonda Balilaj, znj. Alketa Doçi, Sekretari i Përgjithshëm i KOKSH, z.Gerti Shima dhe trajneri i kombëtares së basketbollit, z. Afrim Bilali.
