Presidenti i KOKSH, z. Fidel Ylli dhe sekretari i përgjithshëm i KOKSH, z. Gerti Shima morën pjesë në mbledhjen e CSEENOCs (komitetet olimpike të zonës qendrore dhe të europës juglindore), ku u fol gjerësisht mbi Lojërat që do të zhvillohen vitin e ardhshëm, si dhe për Asamblenë e Përgjithshme të ANOC në Seoul të Koresë së Jugut, e cila do të zhvillohet në datat 18-21 tetor, 2022.
Zyrtarët e KOKSH gjithashtu kanë qenë pjesë e një mbrëmjeje gala të realizuar nga Komiteti Olimpik i Malit të Zi për të festuar 15 vjetorin e pranimit të këtij Komiteti në familjen olimpike ndërkombëtare.
