Presidenti i Komitetit Olimpik, z. Fidel Ylli priti në zyrat e KOKSH Kryetarin e Komisionit të Ekonomisë dhe Financave në Kuvendin e Shqipërisë, z. Eduard Shalsi.
Takimi u zhvillua pas kërkesës së presidentit Ylli, i cili i parashtroi gjatë diskutimit problematikat e lidhura me Ligjin e Sponsorizimeve, problematikat e lidhura me Tatimin mbi të Ardhurat, si dhe mundësinë për shtyrjen e afatit të fiskalizimit të të ardhurave të sportistëve për pas Olimpiadës “Paris 2024”.
Kreu i KOKSH e njohu të ftuarin edhe me arritjet e institucionit, Asamblenë e fundit zgjedhore, projektin “Ekipet Sportive”, si dhe mbi risinë teknologjike “SportALB”.
Kreu i Komisionit të Ekonomisë tha se do të shqyrtohen me kujdes të gjitha kërkesat e parashtruara në takim përmes ngritjes së një grupi pune mes dy institucioneve, teksa pranoi se mbeti i impresionuar nga zhvillimet e KOKSH, si dhenga platforma sportive televizive.
