Kreu i Komitetit Olimpik Kombëtar Shqiptar, z. Fidel Ylli, priti dhe zhvilloi një bisedë me z. Marcin Krzeminski, president i East European Billiards Council (Federata Europiano-Lindore e Bilardos), njëkohësisht anëtar i bordit të Konfederatës Botërore të Sportit të Bilardos (WCBS), z. Alexandru Balas, arbitër ndërkombëtar, si dhe z. Edmond Loku, President i Federatës Shqiptare të Bilardos.
Në takim u diskutua për eventin e fundit të bilardos që u zhvillua në Tiranë, organizuar nga KOKSH dhe Federata Shqiptare e Bilardos, si dhe mbi mundësinë e zhvillimit të kampionateve të tjera në vendin tonë.
Presidenti i Komitetit Olimpik falënderoi miqtë nga Polonia e Rumania për përkrahjen që i kanë dhënë bilardos shqiptare gjatë vitit të fundit.
