Ambasadori i Japonisë në Shqipëri, z. Mitsuyuki Takada zhvilloi një vizitë në zyrat e Komitetit Olimpik ku u takua me presidentin, z. Fidel Ylli dhe zyrtarë të tjerë të KOKSH.
Z. Takada shoqërohej nga znj. Shizuka Nakano, z. Sokol Konomi, si dhe instruktori i xhudos, z. Juto Nishimaki.
Kreu i Komitetit Olimpik Shqiptar njohu mikun me arritjet dhe projektet që po zhvillon institucioni që ai drejton.
Të pranishmit në takim ndoqën në palestrën e KOKSH edhe një pjesë të demonstrimit të instruktorit japonez Juto Nishimaki, i cili ndodhet në vendin tonë për të specializuar trajnerët shqiptarë të xhudos.
