Kaltra Meca fiton baterinë e saj, duke shkëlqyer në 400 metra stil i lirë. Notarja thyen edhe rekordin për 14-vjeçarët, ndërsa në pishinë dha kohën 4:37.39.
Në turin e parë të tenisit për ndeshjet teke meshkuj, Arlis Muka u përball me lituanezin Julius Aleksandrovas. Pas dy seteve Muka nuk ia doli dot të merrte fitoren.
Amina Xhaferi në tenis mbylli ndeshjen e parë teke ndaj Marie Slamenikova. Tenistja shqiptare luajti mirë, por kundërshtarja ishte më e fortë, duke fituar në dy sete.
Në çiklizëm, Emil Priftaj dhe Kosta Vortollomi morën pjesë në kronometrin individual i zhvilluar brenda qytetit Banska Bystricas.
Priftaj i përshkroi 8.4 kilometrat në 12 minuta e 26 sekonda, ndërsa Vortollomi në 12 minuta 52 sekonda.
Dyshja kuqezi realizoi një kohë të mirë në kronometër, ndërsa më 28 korrik ata do të marrin pjesë edhe garën e rrugës 65.8 km.
