Në Parkun Olimpik “Feti Borova”, të dielën më 30 tetor, Ambasada e Katarit zhvilloi një aktivitet me rastin e Kupës së Botës që nis më 20 nëntor në këtë shtet.
Të pranishëm ishin Presidenti i KOKSH, z. Fidel Ylli, Kryetari i Bashkisë së Tiranës, z. Erion Veliaj si dhe zyrtarë të tjerë e të ftuar nga trupi diplomatik i akredituar në Shqipëri.
Ambasadori i Katarit, z. Ali bin Hamad Al Marri, në fjalën e tij falënderoi miqtë, ndërkohë që paraqiti punën e shtetit të tij për organizimin e Botërorit si dhe çfarë do të ndodhë në 29 ditët që zhvillohet Kupa e Botës.
Aktiviteti u mbyll me disa ndeshje simbolike.
