Nga data 29 qershor 2022 – 9 korrik 2022 në Finlandë u zhvillua Kampionati Botëror i Atletikës për Veteranë, Master. Në këtë kampionat morën pjesë 3 atletë shqiptarë.
Xhavid Derhemi që garoi në “disk” dhe “throwing pentathlon”. Dorian Çollaku në “çekiç” dhe “hedhje peshe”. Bruno Puqja në 1500 metra.
Atleti Dorian Çollaku u shpall dy herë Kampion Bote, duke fituar dy medalje ari në garat e hedhjes së çekiçit dhe hedhjes së peshës.
Atleti Xhavid Derhemi u shpall Kampion Bote duke fituar medaljen e artë në hedhjen e diskut dhe zuri vendin e pestë në pesëgarëshin e hedhjeve.
Veteranët, “Master” të Shqipërisë janë atletët aktivë që bëjnë pjesë në shoqatën që organizon aktivitetet për atletët mbi 35 vjeç në stadiume, salla të mbyllura dhe natyrë.
