Vitor Cabral nga zyra e zhvillimit në Federatën Ndërkombëtare të Tenisit (ITF) për Europën, së bashku me presidentin e Federatës Shqiptare të Tenisit, Ferdinand Sulo, vizituan selinë qendrore të Komitetit Olimpik Kombëtar Shqiptar, ku zhvilluan një takim me presidentin, z. Fidel Ylli dhe zyrtarë të tjerë.
Kreu i KOKSH njohu zyrtarin e tenisit me arritjet e institucionit që drejton, projektin “Ekipet sportive”, platformën “SportALB”, si dhe kërkoi mbështetje nga Federata Ndërkombëtare e Tenisit, sidomos për specializimin e trajnerëve në këtë sport.
Nga ana tjetër, Cabral tha se qëllimi i ITF është që të ndihmojë federatat të këtij sporti, ndërsa me Shqipërinë pranoi se ka një lidhje të veçantë.
