Paraqitje fantastike e Mikel Demirit në çiklizëm. Në garën e rrugës, Demiri u rendit i 5-ti nga 69 konkurentë.
Sportisti kuqezi ishte protagonist i grupit të parë, duke dominuar dhe treguar veten në çdo moment të 125 kilometrave, por në sprintin final i shpëtoi medalja.
Çiklisti tjetër, Brikel Barci nuk hyri dot në 20-shen e parë, i kushtëzuar nga gjendja shëndetësore që e ka shqetësuar këto ditë qëndrimi në fshatin e sportistëve.
Përtej rezultatit, Demiri shkëlqeu teksa konsiderohet e ardhmja e çiklizmit dhe këtë e tregoi edhe në Lojërat e Solidaritetit Islamik “Konya 2021”.
Sofian Sarrag mbyll konkurrimin në garën e 400 metrave stil i lirë. Notari në pishinë dha kohën 4.21.60, duke u renditur i pesti në baterinë e tij kualifikuese.
