Historike!
Për herë të parë një president i Komitetit Olimpik Shqiptar takon me një president të Federatës Botërore të Taekwondo-së.
Takimi u zhvillua në Seoul të Koresë së Jugut. Në takim presidenti i KOKSH, z. Fidel Ylli shoqërohej nga zëvendësministri i sporteve, z. Endrit Hoxha, “mjeshtër” Kim Yong Ki (themeluesi i taekwondo-së në Shqipëri), znj. Anita Ylli dhe sekretari i përgjithshëm i KOKSH, z. Gerti Shima.
Veç urimeve të rastit, gjatë aktivitetit u organizua edhe një ceremoni për vlerësimin e presidentit të KOKSH me “7 Dan Nderi” nga presidenti i KUKKIWON, Doc. Prof. Lee Dong Sup.
Vlerësimi që iu akordua z. Ylli është niveli më i lartë i nderimeve të kësaj natyre.
Ndër të tjera, zyrtarët biseduan për hapjen e zyrës ballkanike KUKKIWON në Tiranë si dhe ndërtimin e strategjisë për futjen dhe zhvillimin e taekwondosë në shkollat shqiptare.
Z. Ylli së bashku me z. Hoxha ftuan z. Lee Dong Sup të vizitojë Shqipërinë.
