Komiteti Olimpik Kombëtar Shqiptar zhvilloi sot një takim me përfaqësuesit zyrtar të Federatës Shqiptare të Zhytjes në kuadër të zhvillimit të Burimeve Njerëzore, si një politikë e mirëimplementuar e KOKSH.
Presidenti i F.Sh. Zhytjes z.Igli Pustina shprehu nevojën e menjëhershme që kjo Federatë ka për kualifikimin dhe çertifikimin e instruktorëve të zhytjes.
Ndonëse një sport i ri, zhytja vitet e fundit ka treguar interes të lartë dhe rritje të aktiviteteve sportive në vendin tonë. Sekretari i Përgjithshëm i KOKSH, Stavri Bello duke vlerësuar progresin e këtij sporti edhe në arenën ndërkombëtare, shprehu mbështetjen e KOKSH në zhvillimin dhe rritjen e kapaciteteve njerëzore të trajnuar, për të kontribuar në zhvillimin e sportit.
Kujtojmë që Federata Shqiptare e Zhytjes bëri një përfaqësim shumë të mirë në Lojërat Mesdhetare të Plazhit “Patras 2019” që u zhvilluan në gusht të 2019 në Greqi.