Taekwondo shumë shpejt edhe në shkolla.
Drejtuesit e sportit shqiptar, presidenti i KOKSH, Z. Fidel Ylli, zëvendësministri i Arsimit dhe Sporteve, z. Endrit Hoxha, sekretari i përgjithshëm i KOKSH, z. Gerti Shima dhe mjeshtri Kim Yong Ki zhvilluan një takim shumë të rëndësishëm në TAEKWONDOWON (institucioni shtetror për zhvillimin e Taekwondo-së), ku u diskutua për futjen e sportit të taekwondo-së në shkollat shqiptare, si pjesë e projektit “Ekipet Sportive”.
Zyrtarët shqiptarë kërkuan mbështetje nga Federata Botërore e Taekwondo-së për specializimin dhe kualifikimin e trajnerëve, si dhe mundësimin e bazës materiale.
Delegacioni Shqiptar së shpejti firmos marrëveshjen e bashkëpunimit ndërmjet dy Komiteteve Olimpike, dy Federatave të Taekwondo-së, si dhe dy Ministrive të linjës.
