Për tre ditë, të rinjtë me dhe pa aftësi të kufizuara intelektuale janë mbledhur në Tiranë në një samit dedikuar sportit dhe gjithëpërfshirjes së atletëve të “Special Olympics”.
Presidenti i Komitetit Olimpik, z. Fidel Ylli, në fjalën përshëndetëse gjatë këtij eventi vuri theksin tek njerëzit me aftësi ndryshe.
Aktiviteti i organizuar nga “Special Olympics Albania” zhvillohet për herë të parë në Shqipëri, në kuadër të “Tirana Kryeqyteti Evropian i Rinisë 2022”, dhe promovon tetorin si muajin e ndërgjegjësimit ndaj Sindromës Down.
Eventi po zhvillohet tek Parku Olimpik “Feti Borova” dhe ka afruar të rinj nga Shqipëria, Kosova, Serbia, Maqedonia e Veriut, Mali i Zi e Bosnja-Hercegovina.
