“Ekipet Sportive në Shkolla” të qytetit të Vlorës janë skuadrat e para që kompletohen me sete materialesh sportive nga Komiteti Olimpik Kombëtar Shqiptar në kuadër të projektit mbështetur nga Qeveria.
Kreu i shtetit së bashku me presidentin e KOKSH vëzhguan nga afer procesin e shpërndarjes së bazës materiale, si dhe ndanë personalisht disa sete për sportistët e vegjël, të cilët janë pjesë e 700 skuadrave të formuara në çdo shkollë të Shqipërisë
Presidenti i KOKSH, z. Fidel Ylli dhe i gjithe stafi u moren me çdo detaj të projektit për të mundësuar që të gjitha ekipet të kompletoheshin me setet.
Në fund të ceremonisë u ndanë edhe medalje e kupa për shkollat “Halim Xhelo” dhe “Ali Demi”, të përfaqësuara nga dy nga ekipet fituese.
