Komiteti Olimpik Kombetar Shqiptar filloi sot Kursin e Administratorëve Sportivë, i cili do të zhvillohet tre ditë rresht në datat 20-22 Qershor 2012, në qytetin e Tiranës.
Në ceremoninë e hapjes përshëndetën z. Stavri Bello, Sekretar i Përgjithshëm i KOKSH; z. Korab Llazani, Sekretar i Përgjithshëm i FSHB dhe z. Gjergj Pishtari, Specialist pranë FSHV.
Ky kurs vjen i dyti pas atij të realizuar në qytetin e Korcës, duke vijuar me trajnimin e burimeve njerëzore që operojnë në fushën e sportit . Vecantia në këtë kurs është audienca të cilët ishin nga komuniteti i specialistëve të volejbollit dhe basketbollit të cilët u perzgjodhën nga Federatat përkatëse të Basketbollit dhe Volejbollit.
Rreth 23 pjesëmarrës që vijne nga pozicione dhe funksione të ndryshme pranë klubeve apo shoqatave sportive do të jenë pjesë e trajnimit me një program të ngjeshur mbi menaxhimin dhe administrimin sportiv, por gjithashtu edhe pjesë e diskutimeve dhe shkëmbimit të përvojave midis pjesëmarrësve.
Temat e zhvilluara në ditën e parë të kursit ishin mbi strukturat e Lëvizjes Olimpike, manaxhimin dhe ambjentin operues te organizatave sportive.
Të gjitha temat u shoqëruan me debate dhe diskutime të cilat rezultuan në përfundim si mjaft konstruktive dhe frytdhënëse por mbi të gjitha nxitja e të menduarit ndryshe ishte një nga objektivat e tematikës së ditës së parë.
Programi parashikon në dy ditët në vazhdim përfshirjen e temave me specifike mbi organizatat sportive.
Gjithashtu, pjesëmarrësit u pajisën sot me Manualin e Administratorëve Sportivë i cili është një botim i Komitetit Olimpik Ndërkombëtar dhe një udhëzues i dobishëm për përmirëimin dhe efektivitetin e punës së organizatave sportive por edhe të punës si individ në këto organizata.
