Erkand Qerimaj është njeriu i medaljeve.
Peshëngritësi i sjell argjendin Shqipërisë, pak ditë pasi shkëlqeu në Evropianin e Tiranës.
Shkodrani nga i cili pritej medalje nuk zhgënjeu pritshmëritë në peshën 73 kg. Në stilin e shkëputjes, ai ngriti 149 kg dhe vetëm për 1 kg i shpëtoi medalja e artë. Gara rezultoi me drithërima për sportistin kuqezi. Në fillim gjyqtaria nuk konfirmoi provën me peshën 149 kg, por më pas e konsideroi ngritjen e Qerimaj të rregullt, duke sjellë kështu edhe vendin e dytë për peshëngritësin shqiptar.
