4 tetori njihet zyrtarisht si Dita Botërore e Ecjes, ndaj edhe Organizata Botërore e Sport për të Gjithë (TAFISA) inkurajon të gjithë anëtarët e saj të bashkohen në stafetën më të madhe 24-orëshe në 160 vende të botës.
Duke qënë se pandemia globale ka pezulluar cdo aktivitet sportiv dhe jo vetëm, kjo ditë është konceptuar si solidarizim me të gjithë sportistët elitarë shqiptar që kanë ndërprerë garat e tyre pak kohë para Lojërave Olimpike “Tokyo 2020”, eventit më të madh sportiv në botë.
Në këtë kuadër Komiteti Olimpik Kombëtar Shqiptar ju fton t’i bashkoheni kësaj nisme të Komisionit “Sport për të Gjithë” dhe Federatës Shqiptare “Sport për të Gjithë, për të përshkruar 2 km ecje në Parkun e Liqenit, Tiranë, data 4/10/2020, ora 10:00, përkrah sportistëve elitarë shqiptar.
Gjatë distancës së përcaktuar ju mund të provoni ose thjeshtë ndiqni aktivitete rekreative sportive si Canoe, Çiklizëm, Basketboll, Karate, Taekwondo, Vrapim, Kërcim së Gjati dhe gjuajtje me Hark.
Ecja është mënyra më e mirë për të mposhtur pandeminë duke qëndruar të shëndetshëm dhe aktiv.
Bashkohu edhe ti dhe posto një foto me hashtag #worldwalkingday #nocalbania dhe #tafisa. Fotoja juaj do të bëhet pjesë e materialit promovues që do t’ju dërgohet ndërkombëtarëve.
Partnerët e KOKSH në këtë event: Agjensia e Parqeve dhe Rekreacionit – Bashkia Tiranë, Federata Shqiptare e Atletikës, Canoes, Çiklizmit, Harkut, Karatesë, Sport për të Gjithë, Taekwondo si dhe Olimpiku Special.
Raiffeisen Bank – Sponsor Gjeneral i KOKSH për “Tokyo 2020” RTSH Sport – Media Partner Uji “Lajthiza” – furnizuesi i aktivitetit
Kujdes! Kini parasysh që ky aktivitet do të zhvillohet nën rregulla të rrepta të distancimit social dhe mbajtjes së maskës.
